KiKi麵店 (國際金融中心商場)

营业中

休息中

因为Lunch time 落好大雨，所以去咗IFC𠮶度食。但系呢间分店lunch嘅时候系冇得预订，只可以喺Gulu上面攞飞或者去分店度攞实体飞。我喺Gulu上面攞咗飞等大概20分钟到就有位，我见佢哋嘅服务速度都好快，所以等咗唔系太耐就有位，可以喺IFC度行一行。佢哋嘅lunch set系可以拣前菜同埋一杯餐饮。餐饮免费的话就有乌龙茶或冬瓜茶。建议如果唔系太钟意甜嘅朋友的话如果想拣冬瓜茶就拣冻嘅，因为佢嘅甜度系冇得选择，咁等啲冰融嘅时候就冇咁甜😊。古法药膳排骨汤面 $158 3.5/5⭐️佢个汤底真系好重药膳味道，嚟到嘅时候见到好浓郁嘅啡色同埋闻落好香嘅药材味。我个人就觉得比较浓咗少少，但系我朋友话都几好味。啲排骨都算腍，咬几下啲肉就嚟骨，唔会话太晏。KiKi大鸡扒拌面 $158 4/5⭐️👍🏻呢个系佢哋招牌菜之一，果然冇失手。个鸡扒炸得好香脆，而且肉质唔会太干，食落都唔系太热气。佢𠮶炸浆亦调味得不错，有少少椒盐嘅味道，好似喺台湾夜市食到嘅鸡扒。以lunch嚟讲佢哋份量都算大，一个女仔要食晒的话都几饱因为面嘅份量都算多。