現代煮意 (已結業)

帮衬左 Food Expression 已有好几年了，写食评却是第一次，因为真心想介绍D好嘢俾D对食物有要求嘅人。首先，本人其实从来都唔会买外卖（沙律除外), 因为一般茶餐厅快餐店之类的食物通常都有味精，买完返到公司通常都唔够热又淋啤啤，但在 FE 买外卖永远都令我好放心，因为佢哋坚持唔用味精，亦注重食物质素及温度。这里甚多选择，佢哋嘅名菜系韩式 bimbimbap 和海南鸡饭，但我通常尽量少食淀粉质，FE 亦对我哋呢啲怕肥人士好照顾，你可以要求转糙米或 guinoa。另外，几乎每月都有新菜式推出，以下系我最近食过嘅：1. 大花胶鸡肉汤粉丝 - 花胶大大只，鸡胸肉一啲都唔鞋，啲鸡汤饮得出全无味精，次次我都会连最后一滴都舔晒。2. 四川水煮虾汤粉丝 - 因为我钟意食辣，亦讲明要大辣，以为会油淋淋，点知汤底完全唔油，最后我又K.O.晒啲汤。3. 鸡胸肉豆腐暖沙律 - 做完 gym 或 on diet 最啱食。总括来说， Food Expression 的食物质素奇高，价钱又唔贵，平均只是60多元，两点后仲有八折，是中环区外卖不二之选。