益記小館

营业中

休息中

喺中环返工，一定要嚟呢度食晏昼。首先呢一定唔使排队佢好多位置，就算等都系等几分钟就有位。呢度嘅午餐全部午市套餐餐都好优惠，而且选择好多。经典嘅星加坡菜式，例如肉骨茶喇沙同埋海南鸡全部都整得好好食。我最钟意就系佢可以拼餐，例如半份喇沙加半份海南鸡。或者半份肉骨茶加半份海南鸡。令到我哋可以试晒咁多种美食。我嘅必须推介系海南鸡饭加喇沙。佢嘅海南鸡饭啲鸡嫩滑同埋个油饭味道非常好同埋好正宗。喇沙方面呢，椰香味非常好，佢唔系辣𠮶种。入边嘅配料例如鱼片同鸡蛋都跟足咗星加坡咁样，非常之正宗分量亦都非常好。中环食晏昼黎讲佢嘅价钱10分公道。上菜速度都好快。平时一坐低叫完餐，食物会喺5分钟入边送到，啱晒赶时间嘅打工仔。跟餐嘅饮品有薏米水或者有得拣金橘柠檬。两样饮品都好好饮，配合佢嘅食物都系好衬。