Rang Mahal Authentic Indian Cuisine (已結業)

收工过到嚟只系七点几，估唔到已经差唔多FULL场，好彩朋友已经先黎拎定位。餐厅好有印度特色，电视上面亦都播紧好多印度嘅MV。点完餐，店员送上左两块薄脆嘅饼，仲有三款唔同嘅汁。不过试唔出系咩味道。哈哈黎到印度餐厅梗系必点薄饼啦印度蒜蓉薄饼芝士味浓郁，就咁食已经好好味，完全唔需要再点其他野。芝士溶左喺个薄饼入面，可以拉到少少丝。薯蓉咖喱角虽然叫做咖喱角，但系同我地食开既咖喱角有D唔同，佢一个三国锥体嘅样，胀卜卜，馅料有薯仔同埋青豆，外层炸得超香脆，大大嚿，要分几啖先食得晒。Lassi乳酪特饮店员推介嘅饮品，将芒果肉同埋乳酪捞匀，有浓郁嘅奶味，加上香甜嘅芒果味，口感好稠密。