燈籠滷味 T.P.E. (M88) (已結業)

朋友系中环发现咗一间台湾卤水店，咁耐冇去得去台湾夜市，即刻去食下卤味同蛋饼止止渴先。一嚟即刻叫个椒麻香卤鸭血，鸭血够晒滑，同麻辣味好夹，仲有啲生菜，健康都嚟好入味。透心凉拌皮蛋豆腐，分量又大又清凉，仲有肉松同木耳，口感丰富。台湾当然必要食蛋饼，我哋食咗日本豚肉葱抓蛋饼，除咗泡菜冲绳豚肉之外，仲有邪恶嘅芝士，夹起嘅时候仲有少少拉丝㗎～甘梅香脆地瓜条，香脆得嚟比一般薯条甜同健康。意犹未尽嘅我哋仲追加咗个自由配搭嘅卤味，饱饱地我哋叫咗大肠、唐生菜、同萝卜，可以继续食下卤味嘅同时又唔会太heavy。我叫咗杯冷泡桂花乌龙，清清哋，适合送味道偏浓嘅台湾菜。食咗咁多邪恶嘢，朋友就叫左杯酸梅汤山楂绿茶，酸酸哋又有山楂，帮助消滞。