The Night Market (士丹利街) (已結業)

今日去完PMQ之后，都已经差唔多到晚饭时，朋友话想食台湾菜，所以黎到依度食晚饭。依度比我种感觉系闹市中有一点宁静，好适合三五知己黎倾计。盐酥鸡球：每次食台湾野都必定叫会既小食，所以今次亦唔例外叫左。盐酥鸡球炸得非常松脆，而且鸡肉炸完肉质仲好juicy同鲜嫩添。酸菜煮银雪鱼片：酸菜可以增加食欲，食完醒神又开胃，所以最尾叫左依道菜黎食。银雪鱼索左酸菜汤既味道，肉质嫩滑美味。除左酸菜之外，仲有芽菜，夹埋同银雪鱼一齐食，鱼既嫩滑同埋菜既爽口，口感非常夹添。夜市炒饭：炒饭里面有台湾香肠一齐炒，成个饭沾满左香肠既味道，炒饭食落去好香口，而且香肠肉质弹牙同埋有d甜味，成个饭好野味，正！台湾牛肉面：牛肉份量多，肉质咬落去好淋身，轻轻咬落去好容易撕开。汤底牛味浓郁，面底索满左牛肉既香味，而且面底好弹牙，好味！珍珠奶茶：奶茶好香滑，而且仲有香浓既茶味。珍珠口感弹牙，一边饮奶茶一边食珍珠，正！