大呷台灣 (已結業)

朋友喺附近返工，推荐呢间台湾菜。午餐Menu喺中环区来讲好抵食😌最紧要位置就脚座位就一般好坐，如果系聚会倾偈就唔会拣呢间，只系lunch一个钟时间就冇所谓。古早肉操饭间间台湾餐厅都一定有，呢间系用珍珠米，肉碎好多最紧要唔咸，捞埋粒粒分明嘅珍珠米食口感一流。红烧牛筋牛展面试咗啖汤底，唔错，甜甜哋。牛展牛筋煮到好入味，个面就好一般，一碗面咁足料都对得住个价钱。炸鸡扒超大块，两个人食唔晒。个炸粉好薄，炸到好靓好脆，加埋椒盐好好食😋仙草奶茶朋友极力推荐，我饮完就觉得好一般😂早知饮珍珠奶茶好过😅中环区呢个价钱好抵食食物好足料，好大份，一定够饱。最欣赏佢唔会好似其他台湾餐厅咁得个咸味😂位置就脚，附近返工嘅不二之选。