影片
更多
2017-07-04
486 浏览
喺中环想食碗粥其实系几难，大概系粥品卖唔得贵，生存空间比较少。罗富记喺中环有三间分店，而且做多年都屹立不倒，可见质素一定有返咁上下。最难得系价钱都好贴地，去镛记食碗粥加茶钱加一要差唔多一百蚊埋单，去黄枝记都贵过呢度十几蚊兼唔好食。油菜可以拣蚝油或上汤，盛惠$20。炸云吞，个皮唔系平时酒楼食𠮶啲，厚少少同埋鞋少少，凹凹凸凸令更多油附喺云吞上面，感觉好热气。（早知嗌鲮鱼球🙈）肉丸粥，有成6、7粒都几多，咬开弹牙，打嘅时候落左胡椒粉调味，味道同质感都唔错。粥底都有做到调味，虽然唔系特别好绵密，但一定唔系劲稀嘅粥水，收货。喺中环好难揾间价钱平又唔错嘅粥店，所以间唔中都会帮衬😎面食反而多啲选择，会去沾仔记、麦奀食云吞面，或者九记食牛腩面。anyway呢间都系一间唔错嘅食店👍🏻
最难得系价钱都好贴地，去镛记食碗粥加茶钱加一要差唔多一百蚊埋单，去黄枝记都贵过呢度十几蚊兼唔好食。
油菜可以拣蚝油或上汤，盛惠$20。
炸云吞，个皮唔系平时酒楼食𠮶啲，厚少少同埋鞋少少，凹凹凸凸令更多油附喺云吞上面，感觉好热气。（早知嗌鲮鱼球🙈）
肉丸粥，有成6、7粒都几多，咬开弹牙，打嘅时候落左胡椒粉调味，味道同质感都唔错。粥底都有做到调味，虽然唔系特别好绵密，但一定唔系劲稀嘅粥水，收货。
喺中环好难揾间价钱平又唔错嘅粥店，所以间唔中都会帮衬😎面食反而多啲选择，会去沾仔记、麦奀食云吞面，或者九记食牛腩面。anyway呢间都系一间唔错嘅食店👍🏻
张贴
