alfafa Cafe (已結業)

星期六同男朋友两点几先食lunch，入左呢间唔驶加一既餐厅医肚。Set for two包前菜、主菜、甜品及餐饮，只要$199，所以嗌左呢个餐，再散叫少少野食。是日餐汤系蔬菜汤，好足料，另配有食落好健康既餐包。焗肉酱千层面配薯蓉好邪恶，一层面皮一层肉酱，口感丰富。薯蓉口感绵滑，好饱肚既主菜。未来汉堡配薯条块汉堡扒食落真系好似真肉，夹住新鲜既牛油果、生菜、番茄。朱古力蛋糕配雪糕好食，朱古力蛋糕唔会好实，溶溶既口感好正。有机茶拣左苹果绿茶，加左$4要冻柠蜜。苹果批好大个，好多层酥皮，苹果集中系最底层。蜜桃挞挞皮够脆，蜜桃好食，吉士酱又唔会好甜，唔错。