Pier 7 Cafe & Bar

位于中环天星7号号码头🛥️顶层嘅Pier 7 Cafe & Bar @pier7cafeandbar 酒吧最近焕然一新，以地中海美食同特色鸡尾酒🍸带岀全新餐饮体验～ 最近就嚟咗食佢哋嘅半自助午餐，每位只位$248，可以食到时令杂锦沙律、是日精选冷盘前菜、意粉或意大利饭、传统希腊烤蔬菜同每日汤品，更会供应多款现切烤肉，另加$30仲可以享用是日甜品一份，非常丰富😍佢哋嘅主菜会每日更换，如蜜汁火腿🍖、烤牛腩、烟熏猪肉、三文鱼扒🐟，而今日嘅主菜系烤牛肉西冷扒🥩，西冷扒肉质软腍，肉味浓又juicy，可以配上烧汁同洋葱酱，份外滋味～而佢哋冷盘前菜主、意粉类、蔬菜就以地中海菜式🥗🫓为主，较为健康，今次就食咗：青豆角沙律、红菜头苹果沙律、烟三文鱼拼盘、鹰嘴豆泥酱拼烤薄饼、甘荀汤、烩摩洛哥杂菜、蘑菇番茄香饭、南瓜酱意粉～另外餐厅亦提供各式各样嘅特色饮品，包括嚟自世界各地嘅葡萄酒🥂🍷、手工鸡尾酒、无酒精鸡尾酒（分别$98及$68）餐厅酒吧外系户外露台，可以近距离观赏维港景色，夜晚亮咗灯一定仲有feel🌃