尚樓餐廳 (已結業)

过去几个月， 几乎日日都work from home， 开会都用zoom。 完全冇机会返个公司， 呢个礼拜开始公司要我一个礼拜至少返三日。 见返班同事好开心， 可以一齐 happy hour and 食吓晏。最近同事经常去 威灵顿街 尚楼。呢间餐厅我之前都食过， 亦都写过。佢哋嘅午餐的确系唔错又抵食， 服务又好。 咁耐冇去， 今次发现佢哋又有新搞作！小菜午餐小菜午餐佢哋基本上成日都唔同！今日嘅小菜系咖哩鸡。一份小菜午餐基本上包 ：一个主食， 一份菜， 白饭， 嘢饮！佢哋嘅主食咖哩鸡， 香滑 惹味， 少少辣， 食得出黄姜粉嘅香味！ 值得一 赞就系 鸡肉嫩滑， 完全唔鞋口！ 一食就觉得新鲜煮出嚟，唔系煮埋一大煲慢慢分。佢嘅菜 放得好有心思， 杞子好香甜！呢间餐厅, 中午嘅时间 好多人帮衬, 个个同事都嗌正，果然系实至名归。