吃什麼 (已結業)

What to eat难得放平日，就约咗个朋友出中环。之前系大馆附近食过呢间台湾小店，觉得好唔错，就谂住去回味下。 对上一次黎已经系年几前，餐厅外面多期都系排紧队，起码30分钟黎先入到去。但由于当日已经过咗午餐时间，加上疫情影响，而家已经有咗条人龙，真系有d唏嘘。拎起张点餐纸，发现餐牌有都有啲改动，有啲特色台湾野，例如水莲菜都冇咗，有少少失望。不过唔紧要，都照叫咗几台湾菜回味下。红烧牛肉面一上枱就闻到好浓郁既牛肉味，面条都算比较粗身，食落会比较有咬口，而且食到咁后都唔会太淋身。汤底亦都几重牛味，成碗都有3大旧牛肉，都几足够。而最主要系有大量酸菜，正！芝士肉松蛋饼蛋饼即叫即做，啱啱上枱果阵仲好辣口。蛋饼外包好烟韧，蛋饼亦包裹得好紧致。馅料都唔吝啬，满满既肉松同芝士，都8成重现台湾既口味。火鸡肉饭年几前，我就系食咗呢样野而爱上呢到。火鸡肉好嫩滑，加上偏重胡椒既调味，鸡肉既肉汁唔令饭添上啲油脂香，但又唔会搞到碗饭太湿，恰到好处。但今次返黎再饭，火鸡肉饭依然好质，但系睇图就知，成碗饭变咗几𩠌饭咁，加咗啲莲藕片，苋菜，日式咖哩同少少菇。而咁搞笑既系咖哩入面竟然有鱼蛋。配料正常发挥，但我咁爱既都系