炊豕店 (威靈頓街) (已結業)

好耐之前已经试过一次炊豕店（铜锣湾分店），知道佢哋最近喺中环开咗新分店，上星期经过就去试咗。可能因为星期五lunch time比较多人，同埋铺面唔算好大，所以都等咗30分钟先有位。炊豕店最出名嘅就系秘制猪排，今次我就点咗秘制猪排饭配肉燥汁。等咗唔洗10分钟就有得食，嚟到嘅时候仲系好热嘅，睇得出猪扒真系啱啱炸起。佢哋啲猪扒真系炸得好好，外面炸得好脆，但入面唔会话好干仲有好多肉汁我个人最钟意个饭底系用日本珍珠米，好好味。唯一略嫌个饭嘅肉燥汁少咗啲，如果多返啲就好啦。我觉得铜锣湾同中环分店嘅水准其实都一样keep 到不过如果想食嘅话我都会建议预多少少时间排队。