廿一堂

营业中

休息中

同事介绍咗我中环DONKI 附近，有一间廿一堂日本快餐店几好食，今日晏昼就嚟试试系咪真系好食先。餐厅环境好位置好阔落，座位亦好多。今次叫咗个炸猪扒配鲣鱼汤乌冬，猪扒嘅炸粉唔会好厚食落好酥脆，肉质唔会太硬啱啱好，鲣鱼汤略嫌有少少淡，乌冬煮得唔会太稔。铁板角切和牛配烧魂丼，和牛粒好软肉质嫩滑，配上炸蒜片一齐食，令到和牛粒更有鲜味，而旁边嘅饭有满满嘅紫菜，将温泉蛋连同紫菜饭拌匀一齐食好好味，加上个饭用咗日本珍珠米，食落好有咬口饭好香。