影片
更多
2018-11-11
799 浏览
上个月同朋友喺中环食商务午餐，席间友人提到好想去吃顿越南菜，问我可有甚么好推介。既然友人想食，我当然义不容辞。今个月嘅姊妹聚，就一于由我带路，去中环士丹利街食越式料理。老实讲，其实我都系第一次嚟中环呢间「品越」，不过对呢间餐厅就一啲都唔感到陌生，因为之前曾多次到访它位于雅兰中心嘅分店，所以对店子嘅食物质素，都几有信心。餐厅位于大厦 1 楼， 要走上一条楼梯方可到达。店内地方颇大，环境光猛，装潢简洁，用上浅木色为主调，配以优雅的花纹墙纸作衬托，观感融和舒适。先让友人研究一下餐牌，其实我刚才已经喺楼下睇咗 menu，食物选项包括有米纸卷、沙律、头盘、香茅串烧、烧物、主食、西贡咖哩、蔬菜、汤、招牌河粉、滨海、捞檬、炒粉饭、特色饮品、啤酒、红白酒及甜品等，款式非常之多。另外亦有精选一人餐、晚市 2 人套餐及晚市 4 人套餐。先来一客轻食做前菜，看中了这客香芒软壳蟹米纸卷 ($78)，米纸晶莹剔透，外皮烟韧，而内里的馅料就包括有软壳蟹、檬粉、青瓜、生菜和芒果肉等。先试一件，外皮柔软、入口带米香，加上酥香松脆的软壳蟹，口感丰富，再拌以自家制的酸汁，吃起来既清爽又不腻。喺「精选一人餐」拣咗款河内生牛
老实讲，其实我都系第一次嚟中环呢间「品越」，不过对呢间餐厅就一啲都唔感到陌生，因为之前曾多次到访它位于雅兰中心嘅分店，所以对店子嘅食物质素，都几有信心。
餐厅位于大厦 1 楼， 要走上一条楼梯方可到达。店内地方颇大，环境光猛，装潢简洁，用上浅木色为主调，配以优雅的花纹墙纸作衬托，观感融和舒适。
先让友人研究一下餐牌，其实我刚才已经喺楼下睇咗 menu，食物选项包括有米纸卷、沙律、头盘、香茅串烧、烧物、主食、西贡咖哩、蔬菜、汤、招牌河粉、滨海、捞檬、炒粉饭、特色饮品、啤酒、红白酒及甜品等，款式非常之多。另外亦有精选一人餐、晚市 2 人套餐及晚市 4 人套餐。
先来一客轻食做前菜，看中了这客香芒软壳蟹米纸卷 ($78)，米纸晶莹剔透，外皮烟韧，而内里的馅料就包括有软壳蟹、檬粉、青瓜、生菜和芒果肉等。先试一件，外皮柔软、入口带米香，加上酥香松脆的软壳蟹，口感丰富，再拌以自家制的酸汁，吃起来既清爽又不腻。
喺「精选一人餐」拣咗款河内生牛肉汤河 ($95)，套餐配有小食一款同热饮一杯。小食可以拣迷你春卷、香茅鸡中翼、灼时菜同粉卷拼扎肉，选了香茅鸡翼。鸡翼一客 2 只，啱啱好够我哋分，唔使争唔使抢。挟起一看，鸡翼 Size不大，细细只，不过热辣辣，而且食落够入味之余又够脆口，咬开外皮，入面的鸡肉依然 Juicy。
至于碗汤河，虽然话系一人餐，但系份量睇落都唔野少，绝对足够两个人 Share。先挤些少青柠汁，再撒点芳香的九层塔同指天椒，汤头鲜甜浓郁，入口充满牛骨香气，不油不腻。河粉薄而滑，带少少烟韧，吃至最后仍然弹牙。生牛上台时仍带红，入口有厚度，不嚡不韧，吃时可配是拉差辣椒酱，更有风味。 
主菜点了品越烧乳猪 ($188)，乳猪用木砧板盛上，分量极多。先叉起一件入口，外皮很薄，入口脆卜卜，皮下脂肪略厚，而最下层则是肉质纤维幼细的猪肉。猪件食落肉汁好丰盈，带猪肉的甘香。虽然真系几好味，不过两个人食 1/4 只，的确是有点吃力，建议同多几个朋友一齐嚟分享。
食完油腻野，最后当然要点番个菜蔬嚟平衡一下，点咗个马拉盏炒芥兰 ($72)，店员送上时已经闻到好香，炒得好有镬气，芥兰爽脆青绿，入口微辣，咸香味十足，既爽口又唔硬身，非常好吃。 
套餐配有热饮一杯，有咖啡、奶茶、柠檬茶、柠檬水可供选择，不过如果想转冻饮就要 +$3、转特色热饮就 +$8、转梳打特饮就 +$12、而转沙冰就加 +$18。这杯芒果椰子沙冰 (+$18) 味道不俗，既香甜又不腻喉，充满热带风情。餐厅环境唔错，静静地，几啱同姊妹嚟倾下心事。
张贴
