Pho Bar (已結業)

喺中环见完客，有少少肚饿，发现呢个巷仔都有好多舖头，就入嚟揾吓有冇嘢食，见到呢间越南餐厅门口细细但好似都得过一D 奖，上网再查一下，见到评分唔错，便揾位坐低。餐牌上主菜选择唔算多，但全部都系传统越南面食，亦有几款特色小食。至尊（生熟牛柳片、牛腩、牛肉丸、牛柏叶、扎肉）河粉，讲到明至尊有齐好多唔同嘅材料，10分丰富，汤底好靓，应该用咗好多唔同材料煲出嚟，有层次感。喇沙配虾、鱼片及鱿鱼等，汤底亦浓郁，不过唔算辣，啱晒唔食得辣嘅人，虾几新鲜亦有超过5只，咁大手笔。越式炸春卷，水准合格。冰山烧猪颈肉有水准，厚切猪颈肉有口感，肉质结实，唔会太肥，调味亦唔会咸，加生菜一齐食更好。