Brick by Brick (已結業)

马来西亚朋友一别已经两年。今次返港指明要食位于中环苏豪区嘅Brick by brick，话钟意佢哋对食物嘅用心，叻沙同肉骨茶尤其好味，仲有满满嘅人情味。餐厅宜家做紧人气招牌二人晚市套餐，小食连两款主食同两杯饮品都只系四佰几。泰式酸辣无骨凤爪，入口有脆口嘅软骨、味道先辣后酸甜。红萝卜丝、生菜同蕃茄仔，爽口清新，将辣度中和，十分醒胃。招牌火热砂煲香浓肉骨茶完全无添加无味精，豆卜、同菇都吸满淡淡药材味嘅汤底，份外滋味；一定排够琳又入味，点埋蒜泥同特制酱汁，令味道更有层次。仲可以将油炸鬼浸入汤一齐食，送饭一流！秘制嘅马来西亚咖喱叻沙汤面同样好味。今次叫咗鱻鱼三宝，个鱼腐真系冇得弹。咖喱叻沙汤底浓厚、微辣带椰香味。配料仲有半只鸡蛋爽口芽菜同豆卜，真材实料，食得出制作嘅用心。饮品同样有不少养生之选，推介苹果醋椰果特饮同桔仔话梅梳打，特别适合怕辣嘅朋友。好开心仲可以食到厨师嘅巧手马来西亚菜；同见到和譪亲切嘅老板娘继续用心招待每一位客人。希望呢份浓浓嘅人情味得以延续！大家记得多多支持！