影片
更多
2020-03-05
2895 浏览
【黄店推介 - 中环平价茶仔 - 金禾茶餐厅】🐷🐷 💭呢期猪仔少左出街玩🥺, 多数都系老豆返工先会系外面食饭, 所以今日又嚟推介一吓中环和你lunch 嘅好选择!! 今次介绍嘅呢间茶仔set lunch 有老火汤/冻热饮, 价钱平均都系$5X-$7X, 每日精选有4款, 每日唔同, 但入面一定会有小炒类/煲仔菜类/笼仔饭类, 另外仲有OL最钟意嘅常餐, 价钱$5X!! 而好多人会突登黎食佢个盐焗鸡饭同笼仔肉饼饭, 套餐价钱都系$6X-7X!! 🐷🐷💬1⃣招牌盐焗鸡饭+ 老火汤 ($65)一场嚟到就梗系要试吓佢个招牌菜啦, 见到有差唔多一半食客都叫呢个鸡饭, 先嚟个汤, 今日系蕃茄薯仔煲猪骨汤, 都有唔少汤渣, 仲有D菜系入面, 好健康! 鸡饭好快亦都嚟啦, 主要靠沙姜盐焗鸡汁钓味, 沙姜味唔算好重, 但都够咸好惹味, 姜盐焗鸡汁仲可以用嚟捞饭食🤣而鸡件就几大份, 有翼有脾有鸡胸, 特别几旧鸡脾肉非常嫩滑!! 盐焗鸡唔系好多地方有得食到, 而且整得唔错又唔贵就更少, 而佢仲系黄色良心小店, 冇理由唔试吓佢啦!! 🐷🐷💬2️⃣砂锅电吞鸡配白饭+ 老火汤 ($70)听个名系出面食
🐷🐷 💭呢期猪仔少左出街玩🥺, 多数都系老豆返工先会系外面食饭, 所以今日又嚟推介一吓中环和你lunch 嘅好选择!! 今次介绍嘅呢间茶仔set lunch 有老火汤/冻热饮, 价钱平均都系$5X-$7X, 每日精选有4款, 每日唔同, 但入面一定会有小炒类/煲仔菜类/笼仔饭类, 另外仲有OL最钟意嘅常餐, 价钱$5X!! 而好多人会突登黎食佢个盐焗鸡饭同笼仔肉饼饭, 套餐价钱都系$6X-7X!!
🐷🐷💬1⃣招牌盐焗鸡饭+ 老火汤 ($65)
一场嚟到就梗系要试吓佢个招牌菜啦, 见到有差唔多一半食客都叫呢个鸡饭, 先嚟个汤, 今日系蕃茄薯仔煲猪骨汤, 都有唔少汤渣, 仲有D菜系入面, 好健康! 鸡饭好快亦都嚟啦, 主要靠沙姜盐焗鸡汁钓味, 沙姜味唔算好重, 但都够咸好惹味, 姜盐焗鸡汁仲可以用嚟捞饭食🤣而鸡件就几大份, 有翼有脾有鸡胸, 特别几旧鸡脾肉非常嫩滑!! 盐焗鸡唔系好多地方有得食到, 而且整得唔错又唔贵就更少, 而佢仲系黄色良心小店, 冇理由唔试吓佢啦!!
🐷🐷💬2️⃣砂锅电吞鸡配白饭+ 老火汤 ($70)
听个名系出面食要起码一旧水, 呢度配餐都系$70, 而且仲好大煲, 数埋有10粒8粒鸡, 好嫩滑, 好好彩有一半系鸡脾肉添卡卡🤣而最吸引就系个汤, 唔似一般茶仔净系落调味, 个汤几清, 唔会好咸, 而且佢落左红枣、葱等等钓味, 又健康又好味, 用黎当汤饭食都唔错! 至于云吞就有3粒, 唔止菜肉, 原来仲有虾, 好饱好抵食! 但当然云吞嘅质素唔能够同出面云吞面店比, 但可以接受嘅!!
老火汤又系每日唔同, 今日系霸王花菜豚骨汤, 有唔少瘦肉同菜系碗汤度, 都足料嘅!!
🐷🐷💬3️⃣瑶柱福建炒饭($65) +老火汤
要试一间茶仔有冇料到当然要炒个饭试试, 炒饭几干身, 至于配料就有鸡粒, 差烧为主, 配上冬茹红罗白等等, 仲有少量虾仔, 汁就几够浓味, 每啖饭都配到肉同汁, 而且好大碟, 食完肯定唔会下昼黄昏叫肚饿!! 至于是日老火汤就系红罗白栗米煲猪骨汤, 又系有肉有红罗白栗米食, 唔会好咸, 足料得嚟仲好有家嘅感觉🥰
🐷🐷💭呢间黄店根据和你EAT所讲, 参与左黄色商界联署, 唔会招呼黑警同埋会请手足, 如果有埋文宣痴系店内外就更好啦!!另外亦有传言话老板系游行期间多次系中环帮助同路人, 希望大家继续支持黄店啦!
张贴
