筷子記

营业中

休息中

揾食途中，见到个名几得意，筷子记。个名都好澳门下，睇餐牌此餐厅提供澳门美食同车仔面。价钱以中环地段来讲又不算贵，就试一试好难唔好食嘅车仔面啦。未食先兴奋，下午茶时间2:00-10:00？张点车仔面的餐单都几搞笑，叫左个青春（葱？）鱼肉腐皮卷、咖哩猪皮罗白（萝卜）、沙茶酱鱿鱼加粗面，另叫特饮热罗汉果茶。＊青春look，其实咪就系一条炸春卷。萝卜够甜加腍，猪皮亦入味，鱿鱼爽加沙茶酱味浓，青春好普通，整体车仔面多料而味道唔错，但个罗汉果茶太甜。结账：$37 有点奇怪，个牌写$33，加特饮$3，点解收多一蚊？原来姐姐讲面要加$1。