影片
更多
2024-08-20
344 浏览
今日同朋友去中环行街睇戏，到食晚饭时间，系英皇戏院附近条街见到有间食水饺店舖，门口餐牌上嘅水饺卖相好吸引，我朋友话这间店舖有好几间分店的，亦有好味道好食嘅水饺云吞，咁我哋就入去食。这间店舖叫饺掂手工饺子云吞专门店，位于中环威灵顿街55号地舖，港铁香港站D出口，行几分钟就到，非常方便。店舖内装修得好新净，地方光猛整洁，枱凳摆设整齐，坐得令人舒服，店员服务态度好，来这里食真不错。这间水饺店舖主打手工饺子，为了保存饺子最佳嘅鲜味，所有饺子都系即日包制，先可以保持饺子皮的弹性、肉汁的饱满和馅料的口感，而材料每天到新界农场购买新鲜本地蔬果，亦采用野生松茸，让客人品尝高营养价值健康美味嘅食物。店舖餐牌上饺子食物选择亦不少，有镇店极品山珍之皇、中西合璧之选、手工云吞及面食、前菜小食及饮品，饺子嘅做法有汤饺子、煎饺子、灼饺子，仲有如果你系素食者，有素食嘅饺子，真系方便大家，亦有芝士饺子、虾肉饺子、牛肉饺子、猪肉饺子，而猪肉饺子配搭种类最多，有松茸、韭菜、粟米、芫茜、元贝，真系样样睇落都好想食。我哋就叫咗手工饺子嘅至尊松茸猪肉汤饺子及云耳椰菜猪肉煎饺子，亦叫咗手工云吞及面食嘅云吞汤面，而前菜小食就叫咗蜜
这间水饺店舖主打手工饺子，为了保存饺子最佳嘅鲜味，所有饺子都系即日包制，先可以保持饺子皮的弹性、肉汁的饱满和馅料的口感，而材料每天到新界农场购买新鲜本地蔬果，亦采用野生松茸，让客人品尝高营养价值健康美味嘅食物。店舖餐牌上饺子食物选择亦不少，有镇店极品山珍之皇、中西合璧之选、手工云吞及面食、前菜小食及饮品，饺子嘅做法有汤饺子、煎饺子、灼饺子，仲有如果你系素食者，有素食嘅饺子，真系方便大家，亦有芝士饺子、虾肉饺子、牛肉饺子、猪肉饺子，而猪肉饺子配搭种类最多，有松茸、韭菜、粟米、芫茜、元贝，真系样样睇落都好想食。
我哋就叫咗手工饺子嘅至尊松茸猪肉汤饺子及云耳椰菜猪肉煎饺子，亦叫咗手工云吞及面食嘅云吞汤面，而前菜小食就叫咗蜜饯鸡翼，饮品就点咗山楂雪梨水同豆浆。前菜小食最快上枱，蜜饯鸡翼有5只，份量都不少，鸡翼腌得好入味，仲好有果谱蜜糖嘅味道，鸡翼肉质嫩滑，入口香甜，味道一流，食到令人开胃。
至尊松茸猪肉汤饺子就有8只，仲有一碗状元九鼎汤及一小碟酱料点饺子，状元九鼎汤汤味好清新，唔感觉到有味精，原来汤嘅材料有粉葛、顺德活鲮鱼、香山活鲫鱼、红萝卜、偏豆、赤小豆、新会陈皮、蜜枣、鲜排骨，饮后嘅功效有提升免疫力、温肾益气、润滑肠道、养颜保健，真系唔错嘅汤，将松茸猪肉饺子放落汤一齐食非常配合，饺子皮薄馅足，猪肉馅料鲜嫩多汁，松茸好有菇菌香味，点埋酱料仲好食，个酱料只有小小辣，亦有黑松露味。
云耳椰菜猪肉煎饺子有7只，每一只外层饺皮煎得金黄脆口，而且每一只饺子都有焦边，一口咬落非常香脆可口，猪肉馅料亦鲜嫩多汁，云耳椰菜好爽口，真系好好食。云吞汤面有12粒小云吞，而馅料同样丰富，皮薄口感鲜嫩，而面食落好似上海面，唔硬唔软，连埋啲清汤、香葱、芫荽，真令人食得好有口感，饮品山楂雪梨水比较清新滋润，饮得出系用新鲜雪梨同山楂做成嘅配合味道，而豆浆都好有豆浆香味，又唔系好甜，系清甜好饮，食完饺子云吞饮佢哋就好正。
饺掂手工饺子云吞专门店好值得推荐比大家，令人食得好滋味，又好抵食，价钱又唔贵，仲冇加一，而且食材质素非常好，我哋下次都会再来食其他种类嘅饺子。
张贴
