影片
更多
2022-08-01
106 浏览
梦系位中于中环嘅楼上日本料理，佢哋专门做嘅系香港较少见嘅怀石料理，而且佢哋所做嘅菜品每道都好似艺术品一样咁精致，好值得用嚟打卡影相。前菜系一个分子料理，上面有士多啤梨泡沫，里面系有蜜瓜同啫喱，有香甜嘅士多啤梨味，亦有蜜瓜同啫喱嘅口感，好开胃。八寸用咗夏日海滩作主题，因为我哋处于7月，所以用会以夏季作主题，有海滩同太阳伞等作装饰。入面包含咗四款菜式。夕张蜜瓜西班牙火腿脆松饼：用上甜度较高嘅夕张蜜瓜配埋咸香满满嘅36个月西班牙火腿，味道够唒清新，两者味道好夹，互相突显出各自嘅甜味同咸香味嘅对比。明太子脆北海道粟米粒：粟米粒有香脆嘅口感，粟米味好浓，够唒香甜，同明太子嘅独特味道好夹。紫薯百合果冻：口感非常特别，有著两款不同嘅口感，味道亦非常清新。纯洲南高梅：用豆子包住南高梅，口感脆脆地，味道带点酸酸甜甜，令人更加开胃。刺身三点，分别系北海道带子、太刀鱼、右口鱼，仍然都系用咗海滩作为构图嘅主题。佢哋所用嘅刺身都系夏天当造，所以特别嘅新鲜同鲜甜，而北海道嘅带子仲加上青柠汁同竹炭盐，可以更加突出其鲜甜味。用嚟自北海道嘅牡丹虾所做成嘅他他，而他他嘅表面仲放咗一点点嘅虾膏、同埋嚟自法国嘅鱼子酱作点缀。
梦系位中于中环嘅楼上日本料理，佢哋专门做嘅系香港较少见嘅怀石料理，而且佢哋所做嘅菜品每道都好似艺术品一样咁精致，好值得用嚟打卡影相。
前菜系一个分子料理，上面有士多啤梨泡沫，里面系有蜜瓜同啫喱，有香甜嘅士多啤梨味，亦有蜜瓜同啫喱嘅口感，好开胃。
八寸用咗夏日海滩作主题，因为我哋处于7月，所以用会以夏季作主题，有海滩同太阳伞等作装饰。入面包含咗四款菜式。夕张蜜瓜西班牙火腿脆松饼：用上甜度较高嘅夕张蜜瓜配埋咸香满满嘅36个月西班牙火腿，味道够唒清新，两者味道好夹，互相突显出各自嘅甜味同咸香味嘅对比。
明太子脆北海道粟米粒：粟米粒有香脆嘅口感，粟米味好浓，够唒香甜，同明太子嘅独特味道好夹。
紫薯百合果冻：口感非常特别，有著两款不同嘅口感，味道亦非常清新。
纯洲南高梅：用豆子包住南高梅，口感脆脆地，味道带点酸酸甜甜，令人更加开胃。
刺身三点，分别系北海道带子、太刀鱼、右口鱼，仍然都系用咗海滩作为构图嘅主题。佢哋所用嘅刺身都系夏天当造，所以特别嘅新鲜同鲜甜，而北海道嘅带子仲加上青柠汁同竹炭盐，可以更加突出其鲜甜味。
用嚟自北海道嘅牡丹虾所做成嘅他他，而他他嘅表面仲放咗一点点嘅虾膏、同埋嚟自法国嘅鱼子酱作点缀。而佢哋仲配上三款口味嘅米纸，可以将他他搽上米纸一齐食，而先食青柚子米纸，跟住海盐味，最后系樱花虾。味道嘅层次亦都跟米纸嘅不同而有所改变，非常特别。
碗物：系一碗虾汤，入面配有白昆布、嚟自长崎嘅乌贼，虾汤好鲜甜好浓嘅虾味，而入面嘅乌贼口感烟韧，而喺虾汤嘅碗盖上面有一块鳕鱼干，而鳕鱼干上面有一块嘅墨鱼刺身，墨鱼刺身上洒满嚟自台湾嘅乌鱼子，香脆嘅鳕鱼加上软滑口感嘅墨鱼刺身，口感变得独特，而味道加埋香浓嘅乌鱼子，鲜味更加浓烈。
喺嚟自兵库县嘅室津蚝用咗有蚝味嘅荷叶包住，而喺上面仲有蚝味嘅泡泡，所以食落蚝味劲浓，加上因为系室津蚝，佢哋嘅蚝味更加持久。
师傅细心将鲜甜无比嘅毛蟹拆肉，再放入嚟自日本嘅春卷皮拎去炸，再放入独特嘅吹风机，令原本嘅油腻感消减，而再喺上面放咗鲜味嘅虾膏，开胃醒神嘅柚子啫喱同埋食用银箔作点缀。口感香脆，味道鲜甜，最后可以食埋附上嘅北海道粟米，非常之香甜又绵滑。
海胆创作料理，亦系呢间餐厅嘅招牌菜之一用咗两款嘅海胆，分别系喺黄色酱汁中嘅紫海胆，而喺酱汁上面除咗有马粪海胆、仲有黑松露、三文鱼籽等高级食材之外，仲有一细旧嘅寿司饭，将所有材料拌匀一齐食，味道变得极之鲜甜，亦会食得好满足。面豉汤够唒热辣辣，味道正常发挥。
甜点有三款，两款喺木盒入面，黑色嘅喺脆松饼，入面有奶冻，所以要先食，口感外脆内软。而隔离黄色嘅系嚟自宫崎县嘅芒果，够唒清新香甜，果汁满满。而最后可以享用自家制嘅海盐雪糕，甜度适中，够唒清爽，令整餐怀石料理得到完美嘅句号。
张贴
