皇室盛宴 (已結業)

中环楼上舖餐厅，呢幢大厦有几间餐厅选择，见到呢间餐厅的招牌设计吸引到，感觉比较高级，同时又见到做紧圣诞买三送一优惠，就俾次机会试下啦。餐厅格间四四方方，有空外位置，本身想坐出面但今日冇开。室内环境都几舒服，坐低后职员好快就递menu比我地4位。呢到净系做lunch set，有沙律、汤、主菜同饮品。沙律系普通沙律菜加左黑醋汁，餐汤系黑松露野菌汤。特别要赞一下个野菌汤，好好饮，每一啖汤都食到粒粒野菌，味道好浓，可惜份量唔够多。主菜系三色番茄辣肉肠意大利饭，个饭比较硬身，同我早前去意大利旅行食过既意大利饭差唔多，不过味道就真系几surprise，个饭居然加左腐乳落去煮，每一啖都好似食紧腐乳捞饭，不过系捞意大利饭，食落又觉得几好味，有创意！总结: 计埋买三送一优惠埋单都系七十蚊，仲要包左加一，抵食！食物有水准，环境舒服又唔会赶你走，下次会来试其他。