福祿壽健康素食

营业中

休息中

成日经过都会见到lunch time有条买外卖既人龙，今日决定要试下系乜咁劲！望个价钱系真心好抵，两𩠌廿八。三𩠌多三蚊不过有埋汤㖞！佢好简单，每日外面会放好number标记左佢有既唔同𩠌，有成十三款，都几多选择！你行埋去同佢讲边几个号码就可以。番到公司即刻饮个汤，今日个汤系粟米杂豆煲南瓜。入面都有啲汤渣，主要系红萝卜同豆。个汤好清，唔似系味精汤。我要左6号. 葡汁烩四蔬，个葡汁味几好，不过个汁系唔重芡，少少稀，但我又几钟意！10号. 西芹藕片炒双花。无劲大惊喜啦，不过我钟意食藕片！11号. 菜甫叉烧炒滑蛋，佢系素食店，所以系素叉烧，不过其实我主要只系食到菜甫同滑蛋，好食！饭我要红米，不过佢既红米量超少，几乎望唔到。我叫左少饭，佢就用𩠌填满我个盒，啲𩠌多到要搬去另一边先见到自己个饭。总括而言，平快正。唔怪得之日日都有人龙。