Rang Mahal Authentic Indian Cuisine (已結業)

中环有来自不同国家兼不同菜色既餐厅应有尽有，琳琅满目，今晚尝浓味菜色-印度菜，上楼餐厅，较神秘的环境气氛。老板系印度人，笑面迎人为我地介绍菜色。餐牌好多选择，不同咖喱，先叫小食，必叫的Ssmosa ,肥大脆皮唔肥腻，里面包左薯仔同青豆，好香的香料味，唔会辣啱我呀！加埋印度三色酱汁，mint & yogurt sauce , 深啡色甜酸酱，橙色为辣酱，叫了清淡粟米汤清一清先再食主菜，主菜叫了咖喱羊，劲重口味菜色，羊肉好腍身黏著啲筋，每啖都有浆住口的浓味咖喱，中辣程度。配了Garlic Mann, 一绝，两种都浓味，带出双重口味。另一主打菜-无骨烧鸡$88铁板上，热㷫㷫，啖啖肉，惹味，配上旁边配菜新鲜葱，好鲜甜，而且好大碟，抵食呀！饮品，叫了出名的Mango milkshake ,鲜香芒味略甜，叫时先叫少甜更佳，朋友叫了咖啡。其实餐牌还有多款菜色，下次再试过先得。