泰潮 (嘉咸街) (已結業)

近排成日ot放工喺中环，唔知食乜好。记得上次食过泰潮嘅 米芝莲海南鸡饭， 印象深刻好食，即刻和同事两个人去食先！今日可能太夜，海南鸡已经沽清！不过见到佢嘅一人餐，都几丰富经济实惠，一于试下！泰式虾球炒金边粉用心形碟上盘，铺上网型炒蛋，有如蛋包饭，卖相吸引。金边粉质地偏硬适合干炒。泰式炒法香口惹味有镬气唔油腻，材料丰富，大虾弹牙爽口，味道一流！菠萝海鲜炒饭有 新鲜菠萝粒 腊肠粒 大虾 鱿鱼、提子干洒上腰果、肉松。卜卜脆虾味浓，大虾爽口鲜甜 ，炒饭干身，粒粒竖起，炒得均匀软熟有嚼口！串烧鸡肉烧烤焦香扑鼻，沙爹酱汁辣里带甜，无骨啖啖肉大快朵颐。香茅鸡中翼淡淡香茅清香，干身唔油腻，肉质嫩滑惹味。泰式冻柠茶泰式红茶底美 醇厚，带有东南亚特色风味。随餐附送椰汁糕，冰凉清甜有椰汁味！