Pho Bar (已結業)

面嘅配料系可以自由配搭，好似车仔面咁自己拣。分别有：金不换、洋葱、芫茜、香葱、炸蒜及芽菜。一上枱，我先饮左啖汤底…真心要赞一赞个汤底﹗汤底系简单但又好特别嘅牛肉汤😍唔好谂住简单就等于普通，往往越简单先越难做得好。一饮就知汤汁唔系味精汤，浓浓嘅牛肉味，应该系用左好多心机同时间先煲到，加上咁清澈嘅颜色，应该系好仔细咁滤过先拎黎做汤底👍🏻看似简简单单，原来内藏大大嘅心机呢﹗难怪差所有都系用呢个牛肉汤汤底😆至尊汤河：当中有牛栢叶、牛丸、牛柳片、牛腩、牛展、牛肺、扎肉，河粉同𩠌菜量都劲多，唔好话对女仔黎讲有几饱，就算男仔食晒都好鬼饱，份量差唔多等于平时粉面舖嘅2碗份量🤪生熟美国顶级牛肉配意大利脆玉瓜面：睇到牛肉嘅色泽已经同一般肥牛肉唔同级数﹗牛肉配埋牛肉汤，呢个配搭本身已经无得挑剔，呢次嘅牛仲要系好香牛肉味，食片牛肉再饮一啖汤，无得顶呀﹗👍🏻👍🏻而意大利脆玉瓜面对我黎讲真系好特别，完完全全由脆玉瓜整成，一点啲淀粉质都无，不知不觉食左好多蔬菜😆好味、有口感又健康。我觉得值得推介比减肥嘅人，啱晒而家热话嘅低糖饮食🤗🤗秘制鸡翼﹕鸡翼炸得香脆，而餐厅秘制嘅酱汁酸酸甜甜甜，挂系脆卜卜嘅鸡皮上边，正呀﹗青柠