犀牛犀牛 (中環街市)

营业中

休息中

夜晚喺中环，想食平啲都几难，本来想食四季常餐，不过之前已经食过，贪新鲜嘅我结果走咗去对面中环街市帮衬犀牛犀牛。呢度提供两款 combo：主食加廿蚊配饮品，或者主食加38蚊配饮品，炸物同沙律。好想试后者，不过我知自己一定食唔哂，最后剩系叫咗芋泥肉松蛋吐司配黑珍珠奶茶。吐司卖相唔算靓仔，入面嘅馅料侧埋一边，又冇对切开两份，呢度要扣分。味道方面，芋泥同肉松系甜，蛋就系咸，几样嘢夹埋一齐，都算冇咩违和感，唔错，不过面包就略嫌烘得唔够，香脆感欠奉。由于冇红茶，杯奶茶临时转咗乌龙茶底，本来都打定输数会唔好饮，不过又比想像中好㖞，黑糖珍珠算入味，有咬口，奶茶嘅茶底虽然唔算好浓，但系都合格嘅，以呢个价钱嚟讲我收货啦。