BKK

难得假期，今日约埋朋友黎PMQ元创方感受一下文青气息。泊完车行到过黎已经身水身汗，即刻揾间餐厅医左肚先。Staunton地下原来开左间泰国菜餐厅，价钱唔贵，今日就试试佢。  炭烧鸡串沙嗲 ($98) 鸡串好有炭香味，配上花生沙嗲酱劲惹味。  炸辣味鸡翼 ($118) 三只鸡全翼劲大只，上台时热辣辣劲吸引。外皮炸到脆卜卜，配埋泰式辣酱同行朋友大赞好味。  烤饼配泰式红咖哩 ($58)  虎虾金边粉 ($138) Pad Thai 系我最爱嘅泰菜之一。虎虾金边粉未上枱已经闻到劲香，配料有芽菜、豆干、葱、花生粒同辣椒粉。金边粉烟烟韧韧，虎虾鲜甜弹牙，十分出色。  泰式和牛炒粿条 ($158) 同虎虾金边粉好唔同，呢个炒粿条食落甜甜地，牛肉同芥兰苗亘双配搭，完全无油腻感。  蟹肉奄列 ($158) 蟹肉奄列劲厚身，食落有一丝一丝嘅蟹肉，口感好丰富。