Prime Pho

营业中

休息中

🇻🇳越菜唔一定净系食pho，呢间中环越南餐厅最近出了新menu，有唔少高质fusion 菜式。🐽加拿大猪鞍 $248最爱既一道菜～一上枱几有排场，苹果木烟熏味好香。猪鞍用慢煮方式处理，所以一切开肉质好粉嫩，食落口感非常juicy，香茅辣酱好开胃，绝对物有所值，最推介～🌯鸡肉叉烧松露酱米纸卷 $98上面加左烧过既鸡叉烧同昆布鱼籽，肉里有黑松露酱配慢煮鸡肉同檬粉，口感同味道层次都好丰富。一向都钟意食米纸卷，因为感觉比炸春卷fresh好多，的确好适合夏天食。🍕米纸薄饼 （鱿鱼、虾仁、青口）$98第一次食用米纸整既薄饼，感觉比普通薄纸更加light 。米纸口感好脆，上面加左唔少海鲜，再配胡志明酱（混左沙律沙嗲酱）🦞Prime 炒虾河 $148除左虎虾及上面铺满既樱花虾，河粉仲特意用龙虾汁炒，所以上菜时已闻到阵阵龙虾味，入口虾味非常浓郁。☕️蜂蜜椰奶越南咖啡下层有蜜糖，等咖啡滴完再加入旁边既淡椰奶，有咖啡同椰奶香。🍺越式mojito份量几大杯，而且比普通mojito 多左紫苏叶既香味。