木子園 (已結業)

中环The L Place新开咗间京川菜木子园，今日就约埋朋友一齐去试新嘢。餐厅嘅装修布置，令人感觉尤如置身于园林之中。除咗门口花园背景嘅秋千打卡位外，餐厅正中央嘅樱花树同样吸睛。樱桃鹅肝摆盘回应返餐厅园林主题，鲜红色嘅樱桃酱包裹住樱桃造型嘅鹅肝，香滑味美；树上嘅手工龙须糖，又松脆又甜，加埋由干冰凝造嘅仙景效果，真系极尽视觉和味觉享受。松子桂花鱼造型生猛。服务员会待大家打卡过后，协助分发鱼件。桂花鱼皮脆肉滑，松子松脆，配埋酸甜度刚刚好嘅糖醋汁，特别开胃！灌汤小笼包滚热的浓汤注满皮薄肉鲜嘅小笼包。一口咬落去，爆汁惹味！