陀地燒 (已結業)

中环新开左一间据闻好抵食嘅烧烤店，里面嘅烧烤款式好多，最平＄8就有一串，所以星期五放工就同朋友嚟试吓。由于系Happy Friday，6:45 去到𠮶度已经差唔多fullhouse，如果唔想摸门钉嘅话，记得要提早book位啊！首先叫咗著名嘅黄金芝士年糕，的确好香脆，入边芝士馅爆棚，软绵绵嘅口感配上炼奶，食到停唔到口。海鲜方面，＄12一件烧生蚝真系非常抵食，新鲜嘅生蚝加上满满嘅蒜蓉真系好惹味。牛肉串、猪颈肉、鸡软骨、鸡肾同鸡翼都系必点之选，全部都系即叫即整，亦都好快上桌。食得太多肉，梗系要食返几串清甜嘅菠萝解吥腻，仲有好多其他蔬菜可以选择，我哋试咗翠玉瓜同埋冬菇都非常满意👍🏻饮品方面有买一送一嘅啤酒，亦都有各式梳打茶饮可供选择，人均200左右食到好饱，算系同朋友聚会不错嘅选择。