影片
更多
2023-07-25
32 浏览
之前喺中环返工都唔识呢间餐厅，朋友带我黎呢度食brunch，呢日我地喺香港站交易广场出，行天桥再搭lift，之后再行多段路就去到，呢度装修几靓，感觉好舒服，星期日嘅午市中环，都几乎坐满客。呢度星期五六原来会开到凌晨3点，啱哂去完中环玩到好夜嘅朋友。餐牌都几多选择，我地都拣左阵先谂到，点餐前职员送上礼物，系茶叶同餐具，非常窝心。烤卡津鸡肉薯粒镬仔 细份（＄98）两个人食细份已经够哂，因为薯仔同芝士都好饱肚，薯味香，有啲似薯条切成一粒粒嘅口感，芝士味浓郁，应该用左几款芝士煮成，亦有拉丝口感，另外烤鸡都烤得香口，肉质柔软，呢个配搭好惹味。两个人食啱啱好。烟三文鱼牛油果炒蛋三文治（＄138）可以加10蚊转窝夫，亦都加左两条肠仔（＋26），烟三文鱼同牛油果份量好多，而且呢个组合好夹，烟三文鱼好香，牛油果好新鲜同柔软，蕃茄仔同沙律菜好清新。窝夫都几好食，亦松软。鸡蛋亦可以拣唔同煮法，我地就拣左水波蛋。餐厅会提供水比客人，系薄荷叶嘅水，带有清新嘅感觉，几好味。呢度嘅过滤咖啡可以无限添饮，下次约埋会饮咖啡嘅朋友黎试下。
餐牌都几多选择，我地都拣左阵先谂到，点餐前职员送上礼物，系茶叶同餐具，非常窝心。
烤卡津鸡肉薯粒镬仔 细份（＄98）
两个人食细份已经够哂，因为薯仔同芝士都好饱肚，薯味香，有啲似薯条切成一粒粒嘅口感，芝士味浓郁，应该用左几款芝士煮成，亦有拉丝口感，另外烤鸡都烤得香口，肉质柔软，呢个配搭好惹味。两个人食啱啱好。
烟三文鱼牛油果炒蛋三文治（＄138）
可以加10蚊转窝夫，亦都加左两条肠仔（＋26），烟三文鱼同牛油果份量好多，而且呢个组合好夹，烟三文鱼好香，牛油果好新鲜同柔软，蕃茄仔同沙律菜好清新。窝夫都几好食，亦松软。鸡蛋亦可以拣唔同煮法，我地就拣左水波蛋。
餐厅会提供水比客人，系薄荷叶嘅水，带有清新嘅感觉，几好味。呢度嘅过滤咖啡可以无限添饮，下次约埋会饮咖啡嘅朋友黎试下。
张贴
