溢溢掂 香港味道 (已結業)

已经食过几次啦，头两次都叫四𩠌面$42，第三次叫卤水什锦面$48。第一次WhatsApp叫外卖唔记得拣汁就好清，今次就排队买，等等唔耐，收银都几nice，卤水什锦有好多款𩠌，啱哂啲三心两意嘅人，仲送素汤或可乐，个汤我见到有萝卜、薯仔、薏米、豆同菇等，味道清甜，唔觉有味精碗面啲𩠌每款有二件左右，大肠、冬菇、腩肉同萝卜炆得入味又唔会太淋，卤水蛋都好正，红肠有煎过下，好香。面底就冇咩特别，食过粗面、油面同米粉都系正常野，至于汁底好味唔咸，但大辣都唔系好辣。总括而言，抵食又好味！