三多麵食

营业中

休息中

最爱水饺，虽然水饺面得三只水饺，但暂时喺全香港未揾到一间水饺系大得过呢度嘅水饺，每次食几啖先食得完只水饺，非常足料同好食。成日都好想食双拼（加冬菇），但变咗双拼嘅话少一粒水饺我又唔想🤣，所以通常都只系叫一个𩠌。炸鱼皮（唔记得影相）好松脆，唔会好似有啲店嘅炸鱼皮硬到会界损牙肉。炸鲮鱼球都系好食，一般来讲我唔食鲮鱼球因为好腥，但呢度嘅鲮鱼球加咗陈皮劈咗浸腥味。都系大大粒啖啖肉如果想买半打生饺就最好自己带个盒，因为佢只系用胶袋装俾你，如果买一打就有盒比嘅。通常食粉面嘅地方唔会太卫生，但我觉得呢度干净企理。小店系迫啲嘅，有时要同人搭枱啦。