影片
更多
2019-07-05
1298 浏览
The Balcony (中环)中环皇后大道中118号3楼-----系一个月黑风高嘅夜晚 B仔突然间好想饮龙虾汤😂想饮到不得了 一定要即刻饮 觉得自己唔饮会训唔著 上网做咗一轮research之后 就锁定左呢间离公司好近嘅西餐厅 捉朋友仔黎陪我食 试下佢地有包龙虾汤嘅二人餐（$588加一 包左两款前菜 两份秘制龙虾汤 两款主菜 甜品同饮品）-◆前菜1-冻八爪鱼配牛油果蕃茄酱：摆盘非常精致美丽 番茄🍅牛油果酱具备蕃茄嘅酸酸甜甜 又带有牛油果嘅幼滑质感 切片嘅八爪鱼新鲜又爽口 捞埋酱汁食 极度开胃 为成餐Dinner开左个靓头～食完令人心情愉快（可能因为冰凉透心 食完感觉特别舒畅）-◆前菜2-煎北海道带子配波兰汁：带子煎得外脆内嫩 带子下面有一旧腌制过嘅白萝卜 同关东煮差唔多味道 仲有鸡蛋碎 同独特嘅波兰汁 几样食材都好似风马牛不相 但经厨师精心调配之下 食落完全冇违和感 😄-◆秘制龙虾汤：B仔食呢餐饭 就系冲住个汤而黎 当然对佢期望非常高 所以当个汤送到嘅时候 B仔失望左几秒 虽然汤上面D拉花好靓 但真系比较细杯 系用细咖啡杯装住D汤（上网D相可能近距影 所以望落大D）不过饮左一啖之后
中环皇后大道中118号3楼
-----
系一个月黑风高嘅夜晚 B仔突然间好想饮龙虾汤😂想饮到不得了 一定要即刻饮 觉得自己唔饮会训唔著 上网做咗一轮research之后 就锁定左呢间离公司好近嘅西餐厅 捉朋友仔黎陪我食 试下佢地有包龙虾汤嘅二人餐（$588加一 包左两款前菜 两份秘制龙虾汤 两款主菜 甜品同饮品）
-
◆前菜1-冻八爪鱼配牛油果蕃茄酱：摆盘非常精致美丽 番茄🍅牛油果酱具备蕃茄嘅酸酸甜甜 又带有牛油果嘅幼滑质感 切片嘅八爪鱼新鲜又爽口 捞埋酱汁食 极度开胃 为成餐Dinner开左个靓头～食完令人心情愉快（可能因为冰凉透心 食完感觉特别舒畅）
-
◆前菜2-煎北海道带子配波兰汁：带子煎得外脆内嫩 带子下面有一旧腌制过嘅白萝卜 同关东煮差唔多味道 仲有鸡蛋碎 同独特嘅波兰汁 几样食材都好似风马牛不相 但经厨师精心调配之下 食落完全冇违和感 😄
-
◆秘制龙虾汤：B仔食呢餐饭 就系冲住个汤而黎 当然对佢期望非常高 所以当个汤送到嘅时候 B仔失望左几秒 虽然汤上面D拉花好靓 但真系比较细杯 系用细咖啡杯装住D汤（上网D相可能近距影 所以望落大D）不过饮左一啖之后 失望嘅感觉又即刻冇晒 龙虾味道非常鲜甜浓郁 质感颇稠 简直有种好似将原只龙虾榨左汁嘅感觉 觉得自己好似饮紧龙虾版espresso 如果可以大杯D真系perfect池～😝
-
◆主菜1：慢煮羊膝配意大利粉：羊膝大大件又啖啖肉 煮得软腍入味 易切易咬 慢煮过系唔同D 爱羊肉之人一定会一试爱上 意大利粉就正正常常 不过不失 其实都唔错 不过风头被出色嘅羊膝盖过🐏
-
◆主菜2：西班牙猪扒配香菇意大利饭：猪扒非常大块 只系用简单胡椒同海盐调味 已经够味 肉质坚实弹牙 带微微嫩粉色 肉汁紧锁系入面 食落多汁且猪肉味浓 而蘑菇意大利饭亦烹调得唔错 汁份量刚好 饭底湿润得黎唔会太多汁 饭入面加左芝士 啖啖都有少少拉芝效果 如果可以煮得腍身少少 个人会更中意🐷
-
◆甜品拼盘：有Tiramisu同姜味雪糕 Tiramisu好味 不过姜味雪糕就更有惊喜 姜味非常浓郁 微辣中带一点甜 唔会太腻又具特色
-
◆饮品：拣左一杯苹果汁同橙汁 如果无认错 应该系纯品乐嘅味道 虽然系即饮果汁界算还可以嘅品牌 但如果可以鲜榨 相信客人会更Impress😄（希望店家见到我呢个小建议）
-----
👶🏻B仔整体评价：7.5/10个👍🏻
👶🏻B仔抵食程度：7/10个👍🏻
👶🏻B仔环境评分：7.5/10个👍🏻
（无靓景 但装修温馨舒适 有食紧西餐私房菜嘅感觉）
👶🏻B仔味道评分：8/10个👍🏻
👶🏻B仔回头机会：8/10个👍🏻
（虽然系细厨房 但厨师烹调技巧颇出色 值得回头再试其他菜式）
-----
#swallowhongkong
跟住我一齐吞食香港啦！🤤
#swallowcentral
张贴
