影片
更多
2020-09-26
275 浏览
朋友请食升职饭, 拣左中环既楼上餐厅The Balcony。餐厅唔算大, 装潢虽然简单但感觉舒适, 特别系天花用左蓝天白云既墙纸, 更有轻松写意既感觉。我地6点几WALK IN仲有位, 晏少少FULL HOUSE左, 好彩今日早左黎, 正常DINNER TIME建议大家BOOK左枱先啦~Set Dinner for TwoChef's Salad新鲜沙律菜配上黑醋, 特别加左鸭胸粒落去, 成个沙律既味道即时丰富左好多~胡椒吞拿鱼配烚蛋芥末汁两成左右熟既吞拿鱼, 厚身得黎入口非常软嫩, 黑胡椒带出微微辛辣同时更提升吞拿鱼既鲜味, 芥末汁带出微微芥末香气, 绝对唔OVER, 好夹!意大利风干火腿, 水牛芝士配无花果黑醋汁Parma Ham比得唔姑寒, 大大块而且唔会碎湿湿, 带有淡淡红色, 入口绵滑, 越咬越释出咸香味道, 好正! 无花果黑醋汁十分香甜, 酸度同质感都醇厚, 加上水牛芝士, 绝配。龙虾汤龙虾汤小小一杯, 入口顺滑。慢煮羊膝配意大利粉羊膝好巨型, 如此大既羊膝系慢煮方法下煮到口感一致, 唔韧又唔会过腍, 有羊香而不酥。酱汁简单用左蕃茄同萝卜烹煮, 有天然既酸甜味, 加上意粉
餐厅唔算大, 装潢虽然简单但感觉舒适, 特别系天花用左蓝天白云既墙纸, 更有轻松写意既感觉。我地6点几WALK IN仲有位, 晏少少FULL HOUSE左, 好彩今日早左黎, 正常DINNER TIME建议大家BOOK左枱先啦~
Set Dinner for Two
Chef's Salad
新鲜沙律菜配上黑醋, 特别加左鸭胸粒落去, 成个沙律既味道即时丰富左好多~
胡椒吞拿鱼配烚蛋芥末汁
两成左右熟既吞拿鱼, 厚身得黎入口非常软嫩, 黑胡椒带出微微辛辣同时更提升吞拿鱼既鲜味, 芥末汁带出微微芥末香气, 绝对唔OVER, 好夹!
意大利风干火腿, 水牛芝士配无花果黑醋汁
Parma Ham比得唔姑寒, 大大块而且唔会碎湿湿, 带有淡淡红色, 入口绵滑, 越咬越释出咸香味道, 好正! 无花果黑醋汁十分香甜, 酸度同质感都醇厚, 加上水牛芝士, 绝配。
龙虾汤
龙虾汤小小一杯, 入口顺滑。
慢煮羊膝配意大利粉
羊膝好巨型, 如此大既羊膝系慢煮方法下煮到口感一致, 唔韧又唔会过腍, 有羊香而不酥。酱汁简单用左蕃茄同萝卜烹煮, 有天然既酸甜味, 加上意粉本身索左羊膝既肉汁, 酱汁无需要多, 吊一吊味已经好好食。
新西兰鳕鱼柳配泡菜薯蓉
鳕鱼柳表皮煎至微脆, 肉质结实弹牙, 调味只需少少盐就可带出其美味。有FUSION野泡菜薯蓉, 保留左薯蓉质感外仲有微微泡菜碎既口感, 泡菜味大于薯味, 不错。
甜品
一件OPERA CAKE, 蓝莓同埋雪糕球。OPERA CAKE小小一件味道十分浓郁, 雪糕球好特别, 系姜味既但却又毫无违和感, 甜品当然要配埋杯靓咖啡, PERFECT!
张贴
