The Balcony (已結業)

今晚同朋友一齐去食晚饭，见到间餐厅楼上铺啱两个人食就上咗去啦。黎到呢人少少但系气氛都唔差架，睇吓餐牌我哋就拣咗一个二人餐。等左15分钟之后就黎左啦，系一个八爪鱼肉嘅前菜，里面啲汁酸酸地有牛油果又有番茄粒其实营养都几唔错，又好开胃。之后呢等多15分钟个龙虾汤就到，其实几好饮，好浓郁细细杯唔会太大。15分钟之后就到主菜啦，我哋拣咗一个西班牙猪扒配意大利饭。第一眼睇份量都唔少㖞，试吓个猪扒先，都几厚身味道都唔错都煎得香㗎又唔会太鞋。另外试吓个Risotto，芝士味好浓呀。值得一提嘅系伴碟嘅南瓜都几好食㗎。食完主菜就饮番杯热柠茶先。最咪梗系要食返个甜品啦左边系一个蛋糕右边系个雪糕。雪糕系有姜味架，都好特别，姜嘅味好出但系云呢嗱味亦都冇失去。但系我自己就钟意个蛋糕多啲个层次都分明系值得一试㗎。PS最尾发现个场其实都有好多挂画喺度，等上菜嘅时候可以欣赏吓。