火鍋撚 (雲明行) (已結業)

星期五夜晚想揾位打边炉都几难，好彩有人cancel Booking我先有得食咋位于中环云咸街，酒吧林立，其实有啲混乱。店内装修行中国风，可能因为佢哋喺中环，想吸引外国客人。通风系统还好，唔会觉得好焗。环境尚算干净，地板望落都几干爽。我哋7:00pm坐低，之后先发现原来，七点半前埋单及九点半后入座原来有八五折其实打边炉个汤底真系好重要，今次叫咗店内推介嘅蜂巢豆腐白汤锅，锅裹有好多料，好多豆腐，真系净系食个㖞都饱咗一半。汤底有层次感，里面仲有粒粒胡椒，食到佢会觉得有啲辣。我哋四个人叫咗都算几多野，象拔蚌，桂花蚌，安格斯牛肉，响铃，萝卜，鱼腐，白鳝，皇帝菜，生菜，仲有乌冬面。象拔蚌食落好鲜甜，我哋叫咗细份但系四个人都够食。安格斯肥牛就有啲失色，我哋已经叫咗大份，但系份量好少，无乜牛肉味，感觉唔系太抵。值得一提，系佢哋嘅炸鱼腐，上枱时热辣辣，好好味。其他嘢就正常嘅味道，不过不失。虽然九点钟要还枱，但系店员都冇吹过我哋。埋单后仲送腐竹糖水冰沙，造型好特别，味道都几好食，唔会太甜。