金鶴拉麵 (荷李活道) (已結業)

位于中环既金鹤拉面，全港有数家分店做得颇为成功。金鹤主打既系鸡白汤而非系香港主流豚骨汤底。装潢走暗黑风格满贵气，位置比一般拉面店阔落，有传统可供食客同厨师近距离交流既吧台位置亦有方便倾偈嘅一般餐台。.极浓‧鸡白汤 💲138餐厅主打既鸡白汤都分两款：包括普通同极浓版本。因为好喜欢近乎忌廉汤幼滑质感既鸡白汤，所以点左极浓版。汤面一上桌已经香气四溢，汤头确实系极浓稠鲜美，入口清甜却一点都不腻。现炸牛蒡绝对系加分位，虽然店员提议尽快即食，但还是比较喜欢泡汤吃。配料有慢煮鸡肉、叉烧、溏心蛋仲有笋丝，拉面是最传统款质素正常。.辛味拉面 💲88朋友想食比较刺激既口味所以点左辛味拉面。初初以为辛味会系鸡白汤既辣版原来唔系。汤系高汤底配辛辣香料调味，辣度不高适合喜欢微辣既朋友。拉面配料基本上同鸡白汤接近但无左炸牛蒡，但多左露笋同野菌。对比下个人觉得佢地既招牌鸡白汤做得比高汤版本出色。.若鸡之唐扬 💲38口痕试埋炸鸡块，表面脆内里不干有肉汁。份量好足三件都大大旧，碟旁仲有盐爸提味，性价比高。.日式饺子 💲38饺子带炸感有点点干身。.总结：晚饭途中见都见到好多人提取外卖先知原来拉面除左堂食，仲可以外卖自取。