八時神仙草 (歌賦街)

营业中

休息中

炎炎夏日会好想食个甜品 消暑一下🍧 但系除咗食冰之外 都可以有啲健康少少嘅选择😉 仲记得细个屋企人成日买仙草返嚟食 今日嚟咗呢间专食仙草嘅舖头回忆下儿时嘅味道抹茶焙茶奶盖雪花盛盘呢个真系打卡一流嘅甜品 面头有个抹茶雪糕同埋焙茶口味嘅奶盖☺️ 食咗一啖之后真系觉得好幸福 下面嘅雪花部份就系用上冰块同埋仙草碎制作而成 味道清清地 每啖都有仙草凉快嘅感觉👍🏻 底部就有真材实料嘅仙草 口感爽弹 侧边仲有个小碟叫盛盘 入面有芋圆 薯圆 珍珠 红豆同埋紫米 好钟意呢度嘅芋圆同珍珠 口感Q弹🤣 芒果甘露盛盘呢个香港限定嘅甜品虽然冇招牌菜仙草 但系同样都好食 想推介比大家🥭 芒果汁装住咗柚子同鲜芒果粒粒 我仲额外加咗白色嘅圆仔 即系我好钟意嘅小丸子 同芒果超夹👍🏻 系个必加嘅项目 侧边同样有个盛盘 真系好足料啊仙草冻奶茶呢个我哋嗌咗无糖同埋少冰 更加食到仙草嘅香味 如果钟意食仙草嘅朋友一定会钟意呢个饮品🥤仲可以免费加珍珠㗎 不过我哋担心太饱 所以就冇额外加到啦仙草芋泥牛奶冰沙呢一杯有指定嘅甜度同埋冰度 但系个味道都唔会太甜😎 芋泥沙冰底真系好消暑 加埋有仙草喺入面 感觉健康咗好多🥰呢间甜品店真系好消暑