影片
更多
2023-11-13
66 浏览
嚟咗呢间喺中环非常就脚嘅拉面店GOGYO五行，呢间店最出名就系佢哋将拉面艺术同高级餐饮文化融合嘅理念，经常有期间限定嘅特色拉面推出。今次嚟到就食到新推出中西fusion嘅浓厚·周打蚝拉面。除咗拉面，餐厅都有寿司、串烧等嘢食。浓厚‧周打蚝拉面 $208呢款将日本传统拉面同美式周打海鲜汤结合而成嘅创新拉面，汤底系用豚骨汤加入忌廉酱料熬制，口感幼滑，味道香浓。主角嘅蚝以烟熏嘅制法加上松露油调味，鲜味十足，仲有原片烟肉、烟肉粒、糖心蛋等配料，非常丰富。面方面系自家制，比一般嘅拉面粗身同卷曲，挂汤效果一流。拉面仲连一份松露油帆立贝番茄沙律，帆立贝轻轻炙烧过，爽嫩鲜甜，加上番茄同松露油，令清爽嘅沙律更加有层次感。五行焦香味噌拉面(金) $178我哋午市时间嚟，仲可以食到佢哋嘅午餐menu。拣咗其中一款餐厅出名嘅五行焦香味噌拉面，用烘烤过嘅秘制味噌酱嚟做汤底，带香浓嘅焦香味，非常有特色。拉面面头铺咗糖心蛋同腍嫩叉烧。午市套餐嘅拉面仲会跟一款小食同饮品，小食我哋就拣咗寿司三贯，分别有帆立贝、油甘鱼、三文鱼，全部都肥美厚肉够新鲜。餐厅因为有同嚟自博多嘅串烧店八兵卫合作，所以都可以食到佢哋嘅串烧。我哋就点
浓厚‧周打蚝拉面 $208
呢款将日本传统拉面同美式周打海鲜汤结合而成嘅创新拉面，汤底系用豚骨汤加入忌廉酱料熬制，口感幼滑，味道香浓。主角嘅蚝以烟熏嘅制法加上松露油调味，鲜味十足，仲有原片烟肉、烟肉粒、糖心蛋等配料，非常丰富。面方面系自家制，比一般嘅拉面粗身同卷曲，挂汤效果一流。拉面仲连一份松露油帆立贝番茄沙律，帆立贝轻轻炙烧过，爽嫩鲜甜，加上番茄同松露油，令清爽嘅沙律更加有层次感。
五行焦香味噌拉面(金) $178
我哋午市时间嚟，仲可以食到佢哋嘅午餐menu。拣咗其中一款餐厅出名嘅五行焦香味噌拉面，用烘烤过嘅秘制味噌酱嚟做汤底，带香浓嘅焦香味，非常有特色。拉面面头铺咗糖心蛋同腍嫩叉烧。午市套餐嘅拉面仲会跟一款小食同饮品，小食我哋就拣咗寿司三贯，分别有帆立贝、油甘鱼、三文鱼，全部都肥美厚肉够新鲜。
餐厅因为有同嚟自博多嘅串烧店八兵卫合作，所以都可以食到佢哋嘅串烧。我哋就点咗鸡腿肉($32)同味噌豚腩($35)两款，串烧烧得好香，亦唔会太咸或者太干身。
顺带一提原来餐厅一星期7日喺15:00-19:00都有Happy Hour优惠，喺餐厅酒吧饮嘢除咗有买一送一，仲有串烧 7 折优惠，非常抵食。睇过wine menu佢哋除咗有红白酒、cocktails之外，仲有#Heroes 英雄啤嘅特色手工啤。
。
。
GOGYO五行 (中环)
中环遮打道16-20号历山大厦地库B2号舖
。
。
#GOGYO 五行 #中环美食 #日本拉面 #五行焦香味噌拉面 #法式烤牛清汤拉面 #日式佐酒小食 #Taboocha #大杯茶 #HeroesBeer #浓厚周打蚝拉面 #八兵卫串烧 #7 折 #HappyHourHK #买一送一
。
。
@gogyohk
张贴
