Mint Supper Club (已結業)

中环收工，想同个朋友happy hour 再顺便食个dinner。行过云咸街见到间装修几少女既餐厅。我同朋友就决定入去试下。呢间酒吧餐厅嘅格调主要系以蓝灯/红灯为主，主打越泰菜。由于朋友系欧洲翻嚟，所以拣咗个望街景嘅位坐。Mojito （$120）有别于一般mojito，几清新唔会太甜。Whiskey Sour （$138）入口甘苦，唔会太酸。软壳蟹柚子沙律（$68）用料不错，够大只仲有少少膏添，微酸嘅柚子捞入火龙果同微甜嘅泰式酱汁，平衡番蟹嘅油腻感，前菜嚟讲非常开胃。炸虾饼（$68）味道好好嘅一份小食，虾饼炸到脆卜卜，虾肉好够虾鲜味，沾啲甜酸酱，食落更好胃口。我同朋友食完一块又一块。泰式炒卷心菜（$68）呢个卷心菜炒得好香好出色，好惹味嘅蒜香味!菜亦唔会炒得太熟，食落青脆爽口。海南鸡饭（$108）鸡脾唔会太肥，食落口好嫩滑。配埋棷油饭真系好香口。棷油饭顶部放左只温泉蛋，搅拌后令棷油饭更加有口感。