銀杏館 (已結業)

今日去左位于中环歌赋街，充满怀旧中式既餐厅 -- 银杏馆。虽然佢唔似附近某啲排晒长龙既餐厅咁受人欢迎，但我反而觉得佢系沧海遗珠。未入去可以见到用霓虹灯整成既Gingko House餐厅名，同贴满怀旧中菜照片既玻璃墙。一入到去，就有一幅好配合主题既银杏画作，配合暗暗地既灯光同古木枱櫈，感觉轻松又自在。今次我同爱人❤️食左一道经典既「手工烤蜜汁叉烧配咸蛋」😍。可能因为佢系用猪面肉制成叉烧，所以食落去冧得黎又有啲弹牙，好特别。而且个汁好好味，成碟够我地两个人送各一碗大白饭！可惜我食完先醒起拍照，未能比你地睇下呢个叉烧既真面目😂😂另一道我地叫左素菜「有机薄荷芥香杏鲍菇」。本身我喺其他餐厅食过芥末炒菇，但因为阵芥末味太重，完全遮左菇既味道又唔夹，所以我唔太喜欢。对今次叫既呢道菜都冇抱有太大既期望。点知，呢道菜颠覆左我对芥末菇既睇法。佢有杏鲍菇原有既菇味，当中有一阵阵芥末既味道，同时有少少既薄荷味，所可以中和到芥末既味道，避免芥末味过重。 两道菜加白饭同素汤，我地最后离开时都撑住个大肚腩，不过呢餐晚饭好满足。相信我地好快又会再黎食过。如果系想食怀旧式既中菜，去银杏馆就可以满足到你既要求。