MUSES

营业中

休息中

中环区本身唔会特别过嚟，一般都系工作先会经过，今日有活动喺附近，谂唔到食咩就食呢间。装修系西餐厅格调，但其实系canteen，西式canteen，餐牌都唔算贵，中环黎讲叫抵，当然对比旺角深水埗𠮶啲就无得比。款式望个名都感觉正路，唔会点伏，见到有个沙嗲安格斯西冷牛肉饭，就order左。呢度餐具同碗碟都系即弃，虽然系咁但依然有清洁姐姐执枱。浓郁沙嗲酱铺满晒成碟饭，最岩我重口味，食饭最惊系唔够汁捞呀！沙嗲系东南亚味道，有花生粒，好香而牛肉本身以为一大块扒，原来系切开一旧旧，牛肉味浓，有咬口(都有啲筋)，至少值回票价，唔会俾茶记牛肉片算数~下次喺中环食饭嫌周围太贵，可以过去大会堂呢个canteen速战速决，不过lunch hour有定心理准备好多人，未必揾到位坐。