影片
更多
2022-09-25
1431 浏览
星期五晚放工喺尖沙咀搭船过中环散下心，到埗后就被好香嘅炸鸡味所吸引，味道原来系来自「CHIMAC」，估唔到码头都有正嘢食😝。收银处同厨房喺一边，对面就系堂食区，但座位就唔多。只可惜餐厅闩八点半(比较早)，我哋八点三去到都只可以外卖🥡。不过包装盒好靓，而且稳阵妥当，并用上锡纸保温。炸鸡即叫即炸🍗，需时约十分钟，原本谂住搭的士返去先食，但食咗一件又脆又多汁，就忍唔住喺码头将佢哋K.O.，享受原汁原味，而且好彩天气凉咗好多。洋葱芝士原只炸鸡($128/全只)，原只炸鸡有成十几件，先卖百三蚊，其实超抵啰👍，皆因出面半份都唔止呢个价。炸鸡好掂，炸浆薄脆，一啲都唔油腻，并同鸡肉紧贴，而且肉质亦唔错，绝对唔系𠮶啲无味无质感嘅雪肉(即系M炸鸡)。🧀洋葱芝士味道清爽，调味主材系附有洋葱味嘅芝士粉，略带咸香。蜂蜜焦糖炸鸡腿肉($58/细份)，如果唔钟意食骨的话，无骨炸鸡腿肉就帮到你。餐牌写细份有八件，但原来底部仲垫有薯条添🍟，双重滋味。鸡腿肉大大粒，唔系得层硬皮，肉身白𠽌𠽌，非常嫩滑。🍯蜂蜜焦糖口味劲正，我好钟意食甜味，但唔同餐厅嘅配方各异，有啲太甜或杰挞挞。不过呢度嘅出品恰到好处，唔会太湿，再加埋焦糖香
星期五晚放工喺尖沙咀搭船过中环散下心，到埗后就被好香嘅炸鸡味所吸引，味道原来系来自「CHIMAC」，估唔到码头都有正嘢食😝。
收银处同厨房喺一边，对面就系堂食区，但座位就唔多。只可惜餐厅闩八点半(比较早)，我哋八点三去到都只可以外卖🥡。不过包装盒好靓，而且稳阵妥当，并用上锡纸保温。
炸鸡即叫即炸🍗，需时约十分钟，原本谂住搭的士返去先食，但食咗一件又脆又多汁，就忍唔住喺码头将佢哋K.O.，享受原汁原味，而且好彩天气凉咗好多。
洋葱芝士原只炸鸡
$128
55 浏览
0 赞好
0 留言
洋葱芝士原只炸鸡($128/全只)，原只炸鸡有成十几件，先卖百三蚊，其实超抵啰👍，皆因出面半份都唔止呢个价。炸鸡好掂，炸浆薄脆，一啲都唔油腻，并同鸡肉紧贴，而且肉质亦唔错，绝对唔系𠮶啲无味无质感嘅雪肉(即系M炸鸡)。🧀洋葱芝士味道清爽，调味主材系附有洋葱味嘅芝士粉，略带咸香。
蜂蜜焦糖炸鸡腿肉
$58
35 浏览
0 赞好
0 留言
蜂蜜焦糖炸鸡腿肉($58/细份)，如果唔钟意食骨的话，无骨炸鸡腿肉就帮到你。餐牌写细份有八件，但原来底部仲垫有薯条添🍟，双重滋味。鸡腿肉大大粒，唔系得层硬皮，肉身白𠽌𠽌，非常嫩滑。🍯蜂蜜焦糖口味劲正，我好钟意食甜味，但唔同餐厅嘅配方各异，有啲太甜或杰挞挞。不过呢度嘅出品恰到好处，唔会太湿，再加埋焦糖香，份外惹味。
泡菜五花肉饭($18/套餐)，炸鸡可以加钱升级做套餐，包前菜酸萝卜粒、罐装汽水同一份迷你主食🍚。餐牌写炒猪肉饭，点知出到嚟系泡菜五花肉饭🙈，但味道都OK嘅，泡菜够酸够辣，好开胃。饭用上珍珠米，口感几软熟。
总括嚟讲，🐔第一次食CHIMAC炸鸡绝对令我哋喜出望外，开头见平平哋就试吓，但竟然咁好食，佢嘅蜂蜜焦糖味更系一试难忘，我认为直头系香港头三甲，出色过唔少过江龙店💯！题外话，餐厅店员好有礼貌，抵赞。
张贴
