Rang Mahal Authentic Indian Cuisine (已結業)

听朋友仔讲中环有间食印度自助餐既餐厅几好味，今日去就去试一下! 门前接待员同厨师都系印度人黎，感觉上会几正宗~ 以88蚊一位既价钱，可以任食而且有饮品供应系呢个地区黎讲相当抵食，大约有8款咖哩同埋一啲印度较出名既小食，仲有2款甜品其中咖哩既款式都几特别，有比较小见既咖哩蛋，味道似紫菜既咖哩薯仔，杂豆同南瓜。当中杂豆比较辣，其他都系甜甜的南瓜拌印度饭味道好夹，鲜甜既南瓜配口感似米粉既饭真心唔错！有一款咖哩豆，好特别，口感似红豆，鲜甜而又唔辣，用以拌饭都好适合！好钟意食呢度既印度鸡件，红卜卜，好似干身，但系肉汁十足架！而味道亦好香浓，唔太好食鸡既我都食左好多旧！ 推介呀～炸物方面有春卷，三角型既炸杂豆薯蓉同埋薯饼，干身，不油腻，个人比较钟意食佢既春卷，好松脆而唔会觉得好热气。 薯饼食落就比较粉粉，虽然薄身不过都易饱除左任食之外，小店仲提供饮品可以自由饮用，柠檬茶味道浓郁，茶味清香，比起港式既相对无咁甜甜品腔既我，点都会留肚试下个甜品啦！有甜汤丸，卖相好吸引，初时以为系用糯米粉造既，食落口原来系好似面包布甸，入面吸左好多蜜糖，个人觉得好甜, 但蜜糖味相当浓郁!另外一款就好似鸡蛋布甸同一丝丝好