影片
更多
2023-05-11
4618 浏览
去得中环，当然要揾间优质食府，食个午餐都唔例外，我哋今日就锁定咗呢间星记海鲜饭店。餐厅内已经挂满晒米芝莲各项殊荣，一睇就知有几猛料。我哋嚟到一刻时间尚早，不过转眼间已经座无虚席，而且食客普遍都系年轻一辈。先嚟个冇味精老火汤，唔算多汤渣，系见到有红萝卜同瘦肉，味道真材实料又唔会过咸，而且完全冇落味精。小菜套餐$96一份，包括老火汤及甜品，款式有好多选择，我哋首先就拣咗金沙豆腐虾粒。成碟小菜呈鲜黄色，咸蛋味咸淡得宜，豆腐系用上比较结实嘅板豆腐，加有少少葱花，送饭一流。 而佢嘅虾粒系用大虾再切粒，所以每啖非常爽口弹牙，配合埋咸蛋黄同豆腐真系一流。另一个小菜都系拣咗配白饭一流嘅咸鱼蓉鸡粒茄子煲，入面真系食到有一丝丝嘅咸鱼蓉，另外仲落咗有姜粒，连埋酱汁非常惹味。而且佢嘅茄子仲系每条保留紫色，真系大厨级嘅水准。佢嘅鸡粒其实系鸡件，每件都非常鲜嫩，比起一般嘅鱼香茄子煲再添加一份味道。食呢两款小菜当然要配个白饭，原本谂住一碗大家开心share，但因为实在太好味，所以我哋再追加一碗。佢嘅铁观音都好香，饮得出系上等嘅茶叶冲泡而成。最后嘅糖水先系最精彩嘅一环，有齐雪耳、红枣、桂圆、莲子、百合、杞子等等，非常
餐厅内已经挂满晒米芝莲各项殊荣，一睇就知有几猛料。
我哋嚟到一刻时间尚早，不过转眼间已经座无虚席，而且食客普遍都系年轻一辈。
先嚟个冇味精老火汤，唔算多汤渣，系见到有红萝卜同瘦肉，味道真材实料又唔会过咸，而且完全冇落味精。
小菜套餐$96一份，包括老火汤及甜品，款式有好多选择，我哋首先就拣咗金沙豆腐虾粒。成碟小菜呈鲜黄色，咸蛋味咸淡得宜，豆腐系用上比较结实嘅板豆腐，加有少少葱花，送饭一流。
而佢嘅虾粒系用大虾再切粒，所以每啖非常爽口弹牙，配合埋咸蛋黄同豆腐真系一流。
另一个小菜都系拣咗配白饭一流嘅咸鱼蓉鸡粒茄子煲，入面真系食到有一丝丝嘅咸鱼蓉，另外仲落咗有姜粒，连埋酱汁非常惹味。而且佢嘅茄子仲系每条保留紫色，真系大厨级嘅水准。
咸鱼蓉鸡粒茄子煲
$96
24 浏览
0 赞好
0 留言
食呢两款小菜当然要配个白饭，原本谂住一碗大家开心share，但因为实在太好味，所以我哋再追加一碗。
佢嘅铁观音都好香，饮得出系上等嘅茶叶冲泡而成。
最后嘅糖水先系最精彩嘅一环，有齐雪耳、红枣、桂圆、莲子、百合、杞子等等，非常清润又唔会太甜，店员见我哋赞不绝口，仲帮我哋每人添多一碗，真系开心大满足。
糖水
10 浏览
0 赞好
0 留言
张贴
