星記海鮮飯店 (一號廣場)

营业中

休息中

前排同女朋友屋企人食晚饭，uncle安排左呢间位于中环摆花街嘅「星记海鲜饭店」。Uncle系呢度嘅熟客，所以佢最后都噏得出呢度嘅招牌菜，所以呢一晚食嘅都系由佢拍板。餐厅装修简单、舒服，光线明亮。店员服务殷勤有礼我哋先嚟咗一个西洋菜猪骨汤。值得一赞嘅系，西洋菜好多、而且猪骨大大嚿好足料，所以碗汤系好好饮嘅！跟住系Uncle私心想食嘅「椒盐大尾鱿」。呢度用嘅鲜鱿应该系几大只嘅，肉够厚，而且口感弹牙。配埋椒盐去炸，好惹味！跟住我地食「驰名凤梨生炒骨」。叫得做「驰名」生炒股，佢当然有过人之处啦：同平时外面食嘅生炒骨唔同，佢呢度外层嘅炸粉唔会好厚好硬，用嘅肉亦好嫩。而最正嘅系，佢嘅酱汁应该系独门配方，酸酸甜甜嘅程度恰到好处，一试难忘！至于小炒王方面，厨师整得好有锅气，虾干够晒咸香，配合埋啲腰果食同啤酒，非常正另一个主菜系「辉哥煎咸鸡」。俾大家睇下，卖相相当吸引。佢呢度嘅煎鸡用嘅鸡好好肉地，而且肉质几鲜味。佢用左啲蒜去煎，够晒香！总结：虽然Uncle叫嘅菜式都系家常便饭，但经过米芝莲推介嘅大厨炮制，果然非同凡响！