一點心 (擺花街)

营业中

休息中

星期五放工后想慰劳下自己，叫咗米芝莲一点心嘅外卖，煲住剧慢慢享受。未食之前先讲讲佢嘅外卖包装，美观大方，而且唔系一般胶袋，厚身嘅质地同反光嘅内笼保暖效果一流。首先梗系食佢哋嘅招牌蟹皇蒸烧卖，烧卖嘅外皮够薄，馅肉好实净，每一啖都食到猪肉鲜味，份量刚好，满足得嚟唔会觉得腻。薄皮鲜虾饺，虾饺大大粒，筷子都争啲夹唔到，饺皮晶莹剔透，虾肉鲜甜弹牙，每一啖都好满足。咖喱土鱿咖喱味香浓但唔辣，土鱿切得够厚，口感弹牙，而且好入味，每一啖都充满咖喱香气。而且份量都几多，唔会觉得唔够喉。鲜虾腐皮卷，腐皮够脆，入面嘅虾肉保持鲜甜，整体口感非常好。由纸袋可以见到佢唔算好油，冇咁大罪恶感。食咗咁多点心，乖乖哋叫个菜干咸骨粥先～粥底幼滑，材料丰富，甘甜嘅菜干同咸骨嘅味道融合得非常好，带出多重层次。