Honbo (已結業)

今日去揾个喺中环返工嘅高级行政人员食lunch，佢话介绍我去食一间好好味嘅burger，一到步原来就系传说中嘅HONBO，我之前都已经喺湾仔食过，原来佢最近喺中环开咗分店，估唔到我哋嘅口味咁夹。我叫咗个Double Cheese Burger，块牛肉汉堡超级厚身，每块有4安士，配上芝士洋葱等，好味到爆！朋友因为唔食牛肉，所以佢就拣咗grill chicken burger，呢个份量比较轻盈， 鸡扒烧得好靓，配埋啲生菜，感觉清新不油腻。食burger总觉得一定要配薯条，我哋分别叫咗一份炸蕃薯条同一份芝士薯条，原来一份份量好多，我哋结果食唔晒，早知叫一份share都够晒。仲有叫咗两杯特饮，分别系apple pie iced tea同埋green lemon tea，苹果𠮶杯有好香嘅玉桂味，而青柠𠮶杯就酸酸甜甜咁，我再自己加冰就觉得好正啊！呢间burger虽然价钱有啲贵，但系佢嘅味道绝对对得起呢一个价钱！